|
У Барысаве адбыўся мітынг. На вечар заплянаваная акцыя
|
У Барысаве ды рэгіёне дэмакратычная апазыцыя і грамадзяне ладзілі жалобныя акцыі, прысьвечаныя 15-й гадавіне Чарнобыльскай аварыі.
Днём на могілках у вёсцы Юшкавічы Барысаўскага раёну ля месца пахаваньня ліквідатара Ганчарова адбыўся жалобны мітынг. Яго арганізавала вялікая група "чарнобыльцаў" на чале з сацыял-дэмакратам Гаўрусёвым. Яму гарвыканкам забараніў ладзіць акцыю блізу барысаўскага Палаца культуры.
Прамоўцы згадвалі нябожчыка добрым словам, а нядобрым — беларускія ўлады, якія забыліся пра сваіх герояў, пазбавілі іх ільготаў ды выплочваюць пэнсіі, за якія немагчыма пражыць ды купіць патрэбных лекаў. Дарэчы, у Барысаве ды рэгіёне жывуць каля 500 ліквідатараў і амаль усе яны маюць вострую патрэбу ў адмысловым лячэньні, заўважыў спадар Гаўрусёў.
Сёньня ж у Барысаве позна ўвечары сябры незарэгістраванага моладзевагу руху "Зубар" правядуць адмысловую чарнобыльскую акцыю. Яны з запаленымі сьвечкамі ў рукох паўстануць кілямэтровым ланцугом у цэнтры места.
Алесь Мікалайчанка, Радыё Свабода
|
Сайт управляется системой uCoz |
